Bengal sorkarin zirlai awm lohna school 64 khar dawn

West Bengal sorkar chuan zirlai inziaklut awm lohna, state-aided junior high school (Class V-VIII) 64-te chu a khar dawn.

School education department-in survey a neihnaah zirlai awm lohna school-te hi sorkar chuan khar vek turin a ti a ni. Department chuan zirlai inziaklut zinga 20% aia tlem zirlai kalna school pawh tam tak a awm tih a sawi a, heng school-a zirlaite hi school dangah dah tum an ni a, hemi hnuah school hi khar an ni ve leh bawk ang.

West Bengal-ah hian junior high school 980 awmin, an zinga 6.5% dawn chu zirlai nei lo nia puan an ni.

Covid-19 hri leng vanga hun rei tak zirna in te khar a nih hnuah, November 16 khan Class IX leh X chu hawn an ni. Hemi hnu hian sorkar chuan school hrang hrangte dinhmun hi zirchiangin, zirlai awm loha eng emaw zat a awm tih a hrechhuak ta a ni. Education department official chuan, zirlai awm lohna school hi tun hripui leng vanga thleng chauh ni loin, a hma pawhin an lo awm tawh nia a lan thu a sawi. 

Sorkarin zirlai awm loh vanga school a khar tur zinga a tam zawk hi state chhim lam district-a awm an ni.