Gandhi leh Mandela thla chuanna stamp tlangzarh dawn

Johannesburg, South Africa-a Counsel General of India Dr KJ Srinivasa chuan BRICS summit hmang tura kal, Prime Minister Narendra Modi leh South Africa President Cyril Ramaphosa-ten meeting an neih hunah Mahatma Gandhi leh Nelson Mandel-te thla chuanna stamp tlangzarh a ni dawn tih a sawi.

Ni thum awh BRICS Summit hmang tur hian PM Modi hian Nilaini khan South Africa hi a thleng a, Nilaini aṭang khan summit hi nei ṭanin, nimin thleng khan neih a ni. Srinivasa chuan summit zawh hnua PM Modi-an South Africa President a hmuh hunah stamp hi tlangzarh a ni dawn tih a sawi. Mahatma Gandhi-an Satyagraha a kalpuina chhan, Pietermaritzburg station-a rel aṭanga hnawhchhuah a nih champha kum 125-na anih thu sawiin, India leh South Africa tana kum pawimawh tak a ni, a ti.