TN-a NLC plant-a boiler puakah mi paruk thi

Tamil Nadu-ah nimin zing khan Neyveli Lignite Corporation India Limited (NLCIL) thermal power station boiler puak vangin hnathawktu mi paruk an thi a, mi dang 16 an hliam. 

NLCIL in a sawi danin, boiler puak hi plant 2-a Unit 5-a mi a ni. Thawhlehni zan khan hman a ni lo a, nimin zing khan hnathawktu ṭhenkhat chuan tihnun an tum a, an buaipui laiin a rawn puak ta a ni. He plant-ah hian thla hnih chhunga boiler a puah ṭum hnihna a ni. May 7 khan boiler temperature chu a san lutuk avangin a lo puak tawh bawk a, hnathawk mi pariatin hliam an tuar a ni.