J&K-ah firfiakten sipai an kap

Jammu and Kashmir-a Baramulla district-a Sopore khuaah nimin zing khan Central Reserve Police Force (CRPF) patrolling party chu firfiakten beiin an kap a, sipaite hian an kap let ve nghal a ni. 

Sipai leh firfiakte inkahnaah hian sipai pakhat leh civil mi pakhat an thi a, sipai pahnihin hliam na tak an tuar a, hliam na vak lo pakhat a awm bawk. Firfiakte hi an tlanchhe zui a, man ngei tumin security force-te chuan beihpui an

thlak zui nghal a ni. 

J&K DGP Dilbag Singh chuan kumin chhungin J&K-a firfiakte laka beihpui thlaknaah firfiak 128 thah a ni tawh tih a sawi a, June thla chhung bikin Kashmir bialah firfiak 48 dahbo an ni, a ti. Kumina firfiak thah tawh zinga 70 hi Hizbul Mujahideen mi leh sa niin, Jaish-e-Mohammad leh Laskhr-e-Taiba member 20 ve ve an awm bawk.