India Covid-19 vaccine mihringah enchhin dawn

India rama siam, Covid-19 vaccine chu Drug Controller General of India (DGGI) chuan mihringa endik turin phalna a pe a, tun thla chhungin clinical trial Phase 1 leh II hi neih tum a ni. 

Hyderabad-a Bharat Biotech leh ICMR (Indian Council for Medical Research) thawkdunin an siam, COVAXIN hi  SARS-CoV-2 virus strain aṭanga siam a ni a, preclinical study neih aṭang chuan a him tawkin, a rintlak tura ngaih a ni. 

Khawvel ram hrang hrangten Covid-19 vaccine siam tumin hma an la mek a, India ram pawh vaccine siamna kawnga intlansiaknaah hian a telin, institute hrang hrangten hma an la mek. May thla khan sorkar chuan vaccine siam tumin group 30 chuan hma an la mek tih a lo tarlang tawh.