Karunanidhi-an hma a sawn

Chennai-a Kauvery Hospital-a enkawl mek, Tamil Nadu eptu pawl DMK hotu lu ber M Karunanidhi dinhmun chuan ziaawm lam a pan niin hospital thuchhuah chuan a tarlang.

Pathianni tlai khan Karunanidhi dinhmun hi ṭha loin, a tlahniam hle a, hei vang hian a awmna hospital bulah an party mi leh sa tam tak an pungkhawm a, Chief Minister E Palaniswami pawhin Salem a tlawh chu titawiin Chennai lamah a let ve nghal a ni. Mahse zan lamah Karunanidhi hian hma rawn sawn chho lehin, ziaawm lam a pan a ni.

Kum 95 mi, Karunanidhi hian unitarty tract infection a nei a, July 18 khan damdawi-inah dahluh a ni. A hma pawhin a hriselna ṭhat tawk loh vangin kum khat chuang zet chu vantlang hmuhah pawh an inlan ngai tawh meuh lo a ni.