Pawngsual thlenna shelter home enkawltute hnenah project thar pe

Bihar-a Muzaffarpur-a hmeichhe naupang eng emaw zat pawngsual an nihna hmun, shelter home enkawltu NGO chu Bihar welfare department chuan Patna-a kutdawh enkawlna hmun siam turin project dang a pe niin official-te chuan an sawi.

Social Welfare department director Raj Kumar chuan Muzaffarpur-a thil thleng hi hriatchhuah a nih hnuah he NGO, 'Seva Sankalp Evam Vikas Samiti' chu project aṭangin paih leh nghal a nih thu a sawi, project thawk tur hian work order tihchhuah emaw, ziaka inremna emaw siampui hman an ni lo tih a sawi.

Kumar chuan NGO hnenah hian kutdawh enkawlna in siam an tuma atana an in luah tur endikna tur lehkha chu May 31 khan tihchhuah a ni. Mahse hemi ni vek hian Muzaffarpur shelter home-a thil thleng angin mi 11 lakah FIR thehluh a ni a, an zingah hian NGO hotu Brajesh Thakur pawh hi a tel a ni.