Parliament Winter Session tihtawp a ni

Parliament Winter Session chu ruahman lawk aia ni khata hmain nimin khan tihtawp a ni.

November 29 aṭanga neih ṭan, Winter Session hi December 23 thlenga neih tura tih ni mah se, sorkar laipuiin a agenda tam zawk a tihfel avangin nimin khan tihtawp a ni ta zawk a ni.

Winter Session chhung hian rorel inkhawm ṭum 18 neih niin, bill pass zingah Farm Laws Repeal Bill leh Election Laws (Amendment) Bill te a tel. Member-te inaubuai avangin rorel hun darkar 18 leh minute 48 an hloh a ni.

Session ṭan ni hian Rajya Shaba chairman Venkaiah Naidu chuan Monson session neih laia House chhunga an chet dan mawi lo avangin eptu party MP 12-te chu Winter session chhung atan a hrem a ni. Hei hian eptu party-te a tilungawi lo hle a, session neih chhung zawngin Parliament complex-a Gandhi lim bulah nitin lungawi lohna an lantir a ni. House chhungah pawh MP 12-te hremna phutin rorel thei loin vawi tam tak an aubuai bawk.