Karnataka Assembly-in sakhaw inleh khapna bill pass

Karnataka Assembly chuan nimim khan sakhaw inleh khapna bill chu eptu party ten an dodalna karah a pass.

Anti-conversion bill tia hriat lar, Protection of Right to Freedom of Religion Bill,2021 hi Thawhlehni khan House-ah put luh a ni a, eptute sawiho chhunzawm zel an phut chungin nimim khan voice vote hmangin pass a ni.

Eptu pawl, Congress party chuan he bill hi nasa taka sawiselin, 'ram danpui kalh', 'mi rethei tan tha lo' leh 'bill sakei' ti tein an sawi a, state sorkar chu he bill hi sut leh turin an phut bawk. JD(S) pawhin bill hi an dodal bawk a ni

Law and parliamentary affairs minister J.Madhuswamy chuan bill ho Congress sorkar lai, kum 2016-a Law Commission of Karnataka in a duan a ni a, thil thenkhat thlak danglamin House ah hian an pulut tih a sawi.

Bill-ah sakhaw inlehluih tirtua puhte chu kum 3-10 thleng jail tantir theih leh Rs nuai khat chawitir bakah, sakhaw danga an inlehtirte hnenah zangnadawmna Rs nuai 5 pe tura tih an ni.