PM Modi-a'n ram mipuite Krismas chibai a buk

Prime minister Narendra Modi chuan nimin khan ram mipuite chu Krismas chibai bukin duhsakna a hlan.

PM Modi hian a twitter-ah Krismas chibai bukna hi tarlangin, Isua Krista nun dan a leh zirtirna ropui takte chu hrechhuak thar leh turin a chah.

President Ram Nath Kovind pawhin Krismas urlawk ni khan mipuite, a bikin Kristiante duhsakna hlanin, Isua Krista duhdan leh zirtirnate chu an nuna seng lut a, diknate ngai pawimawh turin a chah bawk.

Hetih lah hian India ramah Omicron a darh chhoh avangin state tam takah Krismas lawman neih theih a ni lo a, khuahkhirhna hrang hrang an siam thar leh hlawm a ni.

Krismas leh Kum thar lawmna vuakvetah hri a darh an hlauhthawn avangin state eng emaw zatin punkhawm khapna bakah, zan lam curfew te an puang thar leh tawh bawk.Haryana state-ah chuan January 1 aṭangin vaccine dose kima la lo chu restaurant, bank, bazar leh office-ah pawh an lut phalsak an ni dawn lo.