Vaccine 2nd dose lak aṭanga thla 9-ah Precautionary shot la thei dawn

Sorkar laipuiin January 10 aṭanga Covid-19 vaccine booster dose, precautionary dose tia a sawi chu healthcare worker leh kum 60 chin, natna benvawn neite hnenah pekchhuah a nih tur thu a sawi hnuah, he dose hi vaccine dose hnihna an lak aṭanga thla kua tlingte hnenah pek a ni dawn.

Vaccine lak hun inkar hlat zawng hi Indian Council of Medical Research (ICMR) leh Translational Health Science and Technology Institute (THSTI), Faridabad-a scientifice study vawi nga an neih aṭanga an thil hmuhchhuah behchhanin an bithliah a ni.

Official chuan precutionary dose la thei chin tur hi Co-win platform aṭangin a hriat thei dawn tih a sawi a, ni reiloteah la thei zat pawh hi an puang thei dawn tih a sawi.

Hetih lai hian National Technical Advisory Group of Immunization (NTAGI) member ṭhenkhat chuan data mumal tak a awm loh avanign booster dose pekchhuah tum hi an la duh lo thung.