Delhi-ah mini lockdown kalpui

Delhi khawpuiah Omicron kai hmuh chhuah an awm belh zel avangi chief minister Arvind Kejriwal kaihhruai sorkar chuan yellow alert puangin, Thawhlehni aṭang khan mini lockdown a kalpui leh ṭan. Khuahkhirhna hrang hrangte hman leh a ni.

Delhi Disaster Management Authority (DDMA) in kaihhruaina thar a tihchhuahah, restauran-te chu zing dar 8 - zan dar 10 thleng inhawn phalsak niin, 50% capacity chauh awm phalsak an ni. Bar pawh chhun dar 12 aṭanga zan dar 10 thleng hawn phalsak an ni bawk.

School, college, cinema leh gym-te pawh khar tir leh vek niin, private office-ah pawh thawktu 50% chin kal tura tih an ni. Dawrte pawh inhawn chhawk tir an ni bawk a ni.

Chief Minister Kerjiwal chuan mipuite chuan khuahkhirhna siamte an ning tawh hle tih a hriatpui thu a sawi a, mahse hri darh chhoh leh avangin tih theih dang an nei si lo a, inkhuahkhirhna kalpui a ngai chu hrethiam turin a ngen nghal bawk.