India ramah hri kai thar 44% in pung ; State/UT 21-ah Omicron kai hmu tawh

India ramah Thawhlehni khan Covid-19 hri kai thar 9,195 an awm a, a hma ni aiin hri kai thar hi 44% in an tam zawk. Nimin thleng khan state leh union territory 21-ah Omicron variant kai hmuh chhuah an ni tawh a, he variant kai hi 781 an awm tawh a ni.

Delhi-ah Omicron kai hmuh chhuah hi an tam ber a, mi 238 an awm tawh. Maharashtra-ah 167 an awm tawh bawk.

Hri kai an pun thar leh avangin sorkar pawhin vaccine pek chhuah pawh chak zawkin a kalpui chho mek a, ram pumah vaccine hi dose vaibelchhe 143 pek chhuah a ni tawh.

Mumbai khawpuiah chuan Thawhlehni khan hri kai thar hi 70%-a pungin, Decmber 8 hnuah hri kai zat hi 188% in a pung chho leh tawh. Delhi-ah pawh hri kai thar hi 50% in an pung leh tawh bawk. Maharashtra health minister Rajesh Tpe chuan hri kai pung chho leh mah se, ni khatah oxygen an mamawh zat metrin 800 vel a tlin hma chuan lockdown puan a ni rih dawn lo tih a sawi. Hemi rual hian khuakhirhna te erawh siam niin, zan dar 9 leh zing dar 6 inkarah mi panga aia tam awmkhawm khap a ni a, public funcation-a tel thei zat pawh bithliah a ni bawk.