Jharkhand-ah two-wheeler tan petrol man tihniam

Jharkhand chief minister Heman Soren chuan an state chungah two-wheeler tan bik petro man tihhniam a ni dawn tih a sawi.

Chief Minister Soren chuan he ruahmanna hi nakkum January 26 aṭangin hman a ni dawn a, motorcycle leh scooter tan bik petrol man hi litre khat Rs 25-in tihhniam a ni dawn tih a sawi. A man an tihhniamna hi two-wheeler neitu bank account-ah thunsak an ni ṭhin dawn a, thla khatah litre 10 chin zel subsidy hi an dawng thei ang. Ration card-a hming chuang chauhin he hamṭhatna hi an dawng thei dawn a, mi nuai 62 velin an dawng thei dawn a ni. Jharkhand-ah hian petrol man hi litre khat Rs 98.52 a ni mek.

Soren chuan, "Petrol leh diesel mante a sang chak em em a, hei hian mi rethei zawkte a nghawng na zual a ni. Motorcycle-te nei mah se, petrol leina tur an neih loh avangin an khalh chhuak thei lo a. A thil siamte zuar tur pawhin a phur chhuak thei ṭhin lo a ni," tiin ruahmanna an siamna chhan hi a sawi.