Kum 15-18 inkar tan Vaccine semchhuak ṭan

India ramah nimin aṭang khan kum 15-18 inkar te hnenah vaccine an semchhuak ṭan. Ramchhunga tleirawl nuai riat chuangte chu sorkara CoWin portal kaltlangin an inziak lut tawh a, an vai hian Covaxin dose an la dawn a ni.

Vaccine semchhuah hna hi school-te berawn chungin damdawi-in leh health centre-ah te pekchhuah an ni. School tamzawkte leh zirna hmun dangte chu vaccination centre atana hman an ni. Kum 2007 leh a hmalama piangte chuan vaccine an la thei ang.

Union Health Ministry chuan tleirawlte tan hian Covaxin chauh an pek tur thu leh state leh Union Territory-te hnenah vaccine additional dose semchhuak turin ruahmanna a siam. Prime minister chuan nikum December 25 khan, January 3 aṭangin tleirawl kum 15-18 tan vaccine pekchhuah a nih tur thu a sawi.

Health worker, frontline worker leh kum upa lamte hnenah January 10 aṭangin vaccine dose thumna semchhuak tura ruahman a ni. Europe leh US lama Delta variant thlaka hri darh chak ber ni mek leh hri inkaichhhawn awl tak Omicron variant vangin sorkar laipui chuan he thutlukna hi an siam a ni.

Kumin kumtir lama school leh college te hawn an nih hnuah, zirlai naupang leh college zirlai zingah hri kai tam tak hmuhchhuah an ni. Sorkar laipui chuan mi zawng zawng tan booster dose semchhuah a ni dawm em tih chungchangah thutlukna an la siam lo.

Vaccine thar pahnih, Corbevax leh Covovax te chuan phalna an hmu tawh a, booster dose atana hman anih mai theih thu an sawi. Vaccine thar pahnihte hi naupang tan pawha hman anih mai theih tur thu an sawi.