China-in Galwan Valley Demilitarised Zone-ah flag an pharh

India sipai thuneitute chuan Galwan Valley-a Demilitarised Zone-ah China official te'n an ram flag an pharh lai video chu twitter kaltlangin an pholang tih sawiin, hetih lai hian China chuan ram pahnihte inkara inremna an siam chu an bawhchhiat loh thu an sawi thung.

China chuan flag an pharhna hmun hi an thuneihna hnuaia area-ah an zar tih sawiin, June 2020-a India leh China sipaite luipui kianga an inbeihna hmun a nih loh thu an sawi.

"China ram flag chu 2022 Kumthar ni tak khan Galwan Valley-ah tar a ni" tiin twitter kaltlangin a sawi.

National Security Adviser Ajit Doval leh China Foreign Minister Wang Yi te'n inbiakna an neih hnuah, nikum July thla khan India leh China chuan an inbeihna hmun aṭangin km 2-a tawlhnung turin inremna an ziak a ni.

Galwan-a inbeihna thlengah hian India sipai 21 te chuan nunna an chan a ni. China chuan sipai pali an thih thu sawi mahse, Indian Army chuan an sipaite aiin China sipai zingah thi an tam zawk tih a sawi.