Lakhimpur Kheri-a thil thleng chungchangah SIT-in chargesheet a thehlut

Uttar Pradesh-a Lakhimpur Kheri-a loneitu nawrh huaihawtte beih an nih chungchangah, he thil thleng chhui tura din Special Investigation Team (SIT) chuan nimin khan chargesheet a thehlut.

Mi pariat thihna thlenna, Lakhimpur Kheri-a thil thlen aṭanga thla thum dawn ral hnuah SIT chuan phek 5,000-a chhah chargesheet hi a thehlut a ni.

Lakhimpur Kheri-a nawrh huaihawt zinga loneitu pali leh journalist pakhat chu motor pakhatin a chil hlum a, mipui thinrimin an beihlehnaah BJP worker pathum an thi bawk. Nikum November thla khan Supreme Court chuan he thil thleng chhui tur hian SIT hi a din thar leh a ni. Pawikhawihna thlennaa inhnamhnawiha puh mi 13 chu man an ni tawh a, an zingah hian union minister of state for home Ajay Mishra fapa, Ashish Mishra pawh a tel.