MP leh MLA 64-ten mi rukbo thubuai nei

Association of Democratic Reforms (ADR)-in MP leh MLA te poll affidavit a zirchianna aṭangin MP Leh MLA ṭanglai zinga 1024 chuan pawikhawih thubuia an nei a, an zinga 64 chu mi rukbo thubuaiah an tel nia tarlan a ni. Thubuai an neihte hi inthlan dawna poll affidavit an thehluhah an ziaklang a ni.

Mi rukbo thubuai nei mek MP leh MLA 64 zingah centre-a rorellai Bharatiya Janata Party (BJP) member tam berin 16 an awm. BJP hi Congress leh Rashtriya Janata Dal (RJD) in dawtin mi rukbo thubuai nei paruk ve ve an awm.

MP leh MLA inrukbo thubuai nei zingah hian Nationalist Congress Party, Biju Janata Dal, DMK, Samajwadi Party, Telugu Desam Party, Trinamool Congress, CPM, CPI-ML, SHS, Bhartiya Tribal Party, Janata Dal United, Lok Janshakti Party, Nirbal Indian Shoshit Hamara Aam Dal leh Telangana Rashtra Samithi-a MP leh MLA member-te pawh an tel a ni.

Inrukbo thubuai nei zingah hian Bihar leh Uttar Pradesh MLA te an tam ber a, pakua ve ve an tel. Maharashtra MLA pariat leh West Bengal MLA paruk an awm bawk. Odisha leh Tamil Nadu aṭangin MLA pali ve ve awmin, Gujarat, Rajasthan leh Andhra Pradesh MLA pathum ṭheuh an awm bawk.