Sorkarin Rs vbch 11,698 dil belh

Centre-a BJP kaihhruai NDA sorkar chuan nimin khan sorkar kum kal meka sum hman belh tur, cheng vaibelchhe 11,697.92 pek belhna tur chu pawmpui turin Parliament remtihpuina a dil.

Lok Sabha-a Supple-mentary Demands for Grants, 2018-19 pharhah net cash outgo chu Rs vbch 5,951,22 niin, gross additional expenditure chu Rs vbch 5,745.68 a ni.

Sorkar chuan service thar siam leh service tana instrument thar siam thuta hman tura dahṭhat tur, cheng vaibelchhe 1.02 dah a rawt bawk.

Parliament chu Agricul-ture Ministry tana Rs vbch 1,791.61, Textile Ministry tana Rs vbch 1,500 leh Defence Ministry tana Rs vbch 1,057.84 hmanna tur chu pawmpui turin sorkar chuan a ngen a ni. Hei bakah hian Petroleum Ministry tan Rs vbch 1,708 a dil bawk. Heng sum a dilte hi scheme hrang hrang a siamte bul ṭanna tur siam nan a ti a ni.