Muzaffarpur shelter home neitu lakah thubuai thehlut

Uttar Pradesh-a Muzaffarpur-a NGO enkawl shelter home pakhata hmeichhe naupang 34 enkawlte pawngsual nia sawi chungchang chhui meka nih laiin, he khua veka shelter home dang pakhata hmeichhe 11 te chu chin hriat lohin an awm leh a, he home neitu Brijesh Thakur lakah hian thubuai thehlut a ni.

Shelter home pakhat aṭanga hmeichhe 11 te chin hriat loha bo chungchangah thubuai siamsak, Thakur hi NGO enkawl shelter home-a hmeichhe naupang pawngsual an nihnaah pawh inhnamhnawiha puh a lo ni tawh bawk.

Police-te complaint thehluhah, kumin March thlaa district child protection unit-in a endik ṭum khan Thakur-a shelter home siamah hian hmeichhe 11 awm anga register a ni a, mahse official-ten June thlaa an tlawh khan home hi khar a lo ni tawh nia sawi a ni. He home-a hmeichhe 11 awmte chu an chin hriat zui a ni ta lo a ni.