India him nan Rohingya leh dan loa Bangladesh mi lutte kahhlum mai tur: BJP MLA

Telangana-a BJP MLA Raja Singh chuan India ram himna turin Rohingya Muslim leh dan loa Bangladesh mi rawn lutte chu kahhlum an ngai a ni, a ti.

BJP MLA chuan, "Heng Rohingya leh Bangladesh pemlutte hian India ram hi ṭha taka an chhuahsan duh lo a nih chuan kahhlum a, paihbo mai an ngai a ni. Hetianga kan tih chauh hian kan ram a him ang", tiin a sawi.

Hetihlai hian centre-a BJP kaihhruai NDA sorkar leh eptute chu Rohingya chungchangah leh Assam-a BJP sorkarin National Register of Citizens list a tihchhuah chungchangah an inep mek a, Parliament session neih mekah hian NRC chungchang avang hian eptu member-te nen in au buaiin rorel inkhawm pawh tihtawp a ngaih phah a ni.