Sorkar laipuiin biometric attendance titawp rih

Sorkar laipui chuan January 31 thleng sorkar hnathawkte biometric attendance a lak ṭhin chu a titawp a, hei hi Covid-19 hri darh thar leh avanga invenna tura a tih a ni.

Personnel ministry-in order a tihchhuah tharah, sorkar hnathawkte tan hian biometric attendance tihtawp ni rih mah se, register-ah an attendance hi chhinchhiah zel tho turin a ti a ni.

Department hotu tinte chuan hnathawkte chuan office chhungah pawh mask an vuah reng em tih an chian fo tur a ni a, Covid kaihhruaina dan pawh khauh taka zawm tura tih an ni bawk.