Pakistan-in LoC kân turin firfiak 600 pui: intelligence report

Zee News-in intelligence report a tarlanah, Pakistan chuan Jammu and Kashmir-a India leh Pakistan inrina, Line of Control (LoC) kana India rama lut turin firfiak 600 a pui.

Intelligence report hi Home Ministry hnenah thehluh a ni a, ramri kana firfiak rawn luh tumte hi Pakistan sipaite chuan an pui reng a, an zingah hian Pakistan Army mi leh sa pawh an awm rin a nih thu tarlan a ni. Heng mite hi Border Action Team (BAT) member te niin, firfiak pawlte an pui ṭhin a ni.

India sipaiten Pakistan-occupied Kashmir (PoK)-a firfiak hmun tihchhe tura surgical strike an neih hnuah a ruala firfiak rawn luh an tum tam ber ṭum nia sawi a ni. Heng mite hi LoC-a sector hrang hrang aṭanga luh tumin an inbuatsaih mek niin report chuan a tarlang.