National Health Protection Scheme hnuaiah hna thar 10,000 siam dawn

Sorkar laipuiin healthcare scheme thar a kalpui tur, Ayushman Bharat-National Health Protection Mission (AB-NHPM) hnuaiah hna thar 10,000 vel siam a ni dawn niin sorkar official chuan a tarlang.

AB-NHPM hi khawvela healthcare scheme lian ber tur a ni dawn a, he scheme hian ramchhunga chhungkaw rethei vaibelchhe 10 tuamchhuakin, kum khata damdawia an inenkawlna cheng nuai 5 chin pek theih an ni ang.

He scheme hnuaia damlo inenkawl tur, health facility hrang hrang pantute lo pui leh ṭawiawm tur hian private leh sorkar hospital-ah Ayushman Mitra nuai khat vel dah an ni ang. Health Ministry chuan Ayushman Mitra lakna tur hian Skill Development Ministry chu inremna a ziahpui tawh a ni.

Ayushman Mitra-te hian hospital-ah help desk siamin, scheme dawng thei tur damlo te document-te an lo enfiah ang a, he mission hnuaia hamṭhatna an dawn turte hmu thei turin an lo pui dawn a ni.