Reservation siamsak hi hna hmuhna tur a ni kher lo: Nitin Gadkari

Union Minister for Road Transport & Highways Nitin Gadkari chuan Maharashtra-a Maratha leh hnam dangte an hnam bil puala sorkar hna leh zirna ina reservation pek an phut chungchangah, reservation pek chuan hna an hmuh nghah phah dawn tihna a ni lo tih a sawi.

Maratha-ten reservation an phut chungchanga zawhna chhangin, Gadkari chuan, "Reservation hi pe angah ngai mah ila, hnaa luhna tur a awm chuang lo a ni. IT atangin bank-ah te chuan hna lak thar ngai a tlem tawh a, sorkar pawhin hna thar a siam thei lo a ni", a ti.

Gadkari chuan hnam hnufual/tlem zawkte chu politics khelhna hmanruaah hman a ni ta fo tih sawiin, backward class intiin sorkarah quota an dil ta zel tih a sawi. Bihar leh Uttar Pradesh-ah pawh Brahmins-te chu an chakin politics pawh an awp a, hetichung hian backward an inti tlat a ni, tiin a sawi.