Lok Sabha-ah Juvenile Justice Act siamṭhatna tur pharh

Sorkar laipui chuan nimin khan Lok Sabha rorel inkhawmah Juvenile Justice Act siamṭhatna tur bill a pharh.

House-a bill pharhah hian naupang lak (adoption) chungchang hun tam tak sen ṭhin tihziawmna turin district magistrate-te thutlukna siam tura thuneihna sang zawk pek te rawt a ni. Adoption chungchanga thupek tam tak chu court lamin hna an ngah vangin tihkhawtlai mek an ni hlawm a ni.

Women and Child Development Minister Maneka Gandhi chuan Juvenile Justice (Care and Protection of Children) Amendment Bill,2018 hi a pharh a ni. Kumin July 20 thleng khan adoption chungchanga thutlukna siam tur hi court hrang hrangah case 629 vel tihkhawtlaiin a awm a ni.

Juvenile Justice Act hnuaiah hian adoption chungchang hi application thehluh aṭanga thla hnih chhungin court-in a tihfel vek tura tih a ni. He Act hi kum 2016, January 15 aṭang khan hman ṭan a ni.