IPC, CrPC, Indian Evidence Act siamṭhat turah MP-te rawtna thehlut turin ti

Union home minister Amit Shah chuan Indian Penal Code (IPC), Code of Criminal Procedure (CrPC) leh Indian Evidence Act siamṭha tura MP-te'n rawtna an neihte a rang thei anga thehlut turin a ti.

Amit Shah hian MP-te chu lehkha thawnin, prime minister Narendra Modi kaihhruai sorkar laipui chuan India ram mipui tinten rorelna dik tak an dawn theihna turin hma a la zel dawn tih a sawi a, sorkar chuan criminal law ruangamte pawh ṭha zawka thlak danglam a tum tih a sawi.

MP te bakah Chief Justice of India, High Court chief justice te, chief minister te, union territories administrator te, Bar Council leh Law University-te pawh rawtna thawn turin a ti bawk.