Karunanidhi-a dinhmun ṭha lo

Tamil Nadu chief minister hlui leh eptu pawl DMK hruaitu M Karunanidhi chu Thawhṭanni aṭang khan a chau a, nimin thleng khan hniam lan a pan zel nia sawi a ni.

Karunanidhi-a awmna, Chennai-a Kauvery Hospital chuan Thawhṭanni zan khan thuchhuah siamin, DMK hotu Karunanidhi-a dinhmun hi a tlahniam a, a taksa peng pawimawhten hna an thawh theih nan theihtawp an chhuah mek tih an sawi. Doctor-ten uluk takin an vil reng tih a sawi.

Kum 94 mi, DMK hotu hi July 29 khan damdawi-inah hian dahluh a ni a, ICU-ah enkawl a ni. Damdawi-ina dahluh a nih hnuah an party hotu hriselna dinhmun ṭhalo vanga rilru nain an party mi leh sa 21 chuan an thih phah tawh a ni.

Thawhṭannia a dinhmun a ṭha lo tih an hriat veleh DMK party mi leh sa tam tak chu damdawi-in bulah hian an pungkhawm nghal a, pungkhawm an tam avangin police pawh ṭhahnem tak duty-tir an ni.