Covid-19 vanga thi tam ber ni a thleng Darkar 24 chhungin mi 2,000 chuang thi
Hripui lengin zual lam a la pan zel a, nimina Ministry of Health and Family Welfare report tihchhuah hma darkar 24 chhungin mi 2,003 laiin Covid-19 an thihpui a, India rama Covid-19 vanga thi an tam ber ni a thleng a ni.
Hri len ṭantirh aṭang khan ram chhung hmun hrang hrangah hripui vanga thi 11,903 an awm tawh a; a ṭum khatna tan thi zatin sing a kai bawk. Thihpui rate hi 3.36% a ni.
Thihpui zat hi pung zel mah se enkawl dam pawh an tam tawh hle a, darkar 24 chhungin mi 6,992 lai enkawl dam awmin hri kai zinga mi 1,86,935 chu enkawl dam an ni tawh a; enkawl dam rate hi 52.79% a ni tawh.
Nimin MoHFW report tihchhuah thleng khan India ram chhung hmun hrang hrangah hri kai 3,54,065 awm tawhin kai hmuh chhuah thar 10,974 an awm. Enkawl dam 1,86,935 an awm tawh avangin mi 1,55,227-in hri an la kai mek a ni.
ICMR Report
Indian Council of Medical Research (ICMR) chuan ni khatah sample 1,63,187 lai an test tawh tih an tarlang a, a vaiin sample 60,84,256 an test tawh a ni.
Testing facility lamah pawh hma an sawn zel a, Covid-19 sample test-na tur laboratory pawmpui 924 a nei tawh a, heng zinga 674 hi sorkar laboratory a nih laiin 250 chu private laboratory a ni thung.
Case 69%
State/UT panga aṭangin Ministry of Health and Family Welfare data aṭanga alan dan chuan ram puma Covid-19 case awm 69% chu State leh Union Territory panga aṭangin a ni. Chandigarh, Andaman & Nicobar Islands, Rajasthan, Madhya Pradesh leh Punjab-a hri kai zat hi ram puma hri kai aṭanga 69% hi a tling. Hetihlai hian heng state-ahte hian enkawl dam an tam tawh hle a, recovery rate chu 72% lai a ni bawk.
India ramah hian State leh UT 17, hri kai enkawl dam kawnga national average aia rate sang zawk an awm niin an tarlang a ni.