MHA-in inthlan neihna tur state-a CAPFs dah remti

Minitry of home affairs chuan assembly inthlan neihna tur state-ah Central Armed Police Forces (CAPFs) dah a remti.

CAPFs company 225 chu Uttar Pradesh-ah a tahtawlin dah luh anni dawn a, company pakhatah hian mi 120 zel an awm a ni. Heng company-te hian Uttar Pradesh sorkar chu assembly inthlan muanawm tak neih a nih theihna turin an pui dawn a ni.

Uttar Pradesh-ah hian CRPF leh BSF-in company 60-70 vel an thawn dawn bawk a, anni bakah force dangin company 75-80 vel an tir dawn bawk a ni.

Official-te chuan CAPFS te hian Covid-19 protocol ṭha takin an zawm vek tur a ni tiin, local police-ten an mamawh dan azirin company hi a thawn dawn tih an sawi.

Ningani khan Election Commission chuan health secretary, home secretary leh DG, ICRMR te chu meeting neihpuiin, assembly inthlan neihna tur state pangaa Covid-19 hri leng dinhmun te an thlir ho a, medical expert-te ngaihdante pawh an sawiho bawk.

EC chuan political party hrang hrangte chu inthlan neihna turah mipui punkhawmna liantham te huaihawt lo tur leh, virtual rally-te buatsaih zawk turin a ngen dawn. Hei bakah hian rally neihnaah pawh pungkhawm thei chin bithliah siamin, roadshow neih theih zat tur pawh a bithliah dawn bawk. State panga inthlan neih hun tur hi EC chuan a puan thuai rin a ni.