Arun Jaitley-an Finance Ministry enkawl leh dawn

Kumin May thlaa a kal (kidney) thlak a ngaih vanga finance minister a nihna aṭanga chawl, Arunt Jaitley chuan August thla chawlhkar thumna aṭangin finance ministry a enkawl chhunzawm leh tawh dawn.

Kum 65 mi, Jaitley hian April thla tir lam aṭang khan office a chawl a, May 14 khan zai a ni. Hemi ni vek hian a ministry chu Minister for Railways and Coal Piyush Goyal hnenah lo hmui tura tih a ni. Jaitley hian hma sawnin amah pawh a dam ṭha tawh nia sawi a nia, hei vang hian tun thla chhungin finance ministry hi a enkawl chhunzawm leh thei tawh dawn a ni. A chawlh chhung hian council of ministers-ah minister portfolio nei lo anga dah chhunzawm a nih tho avangin a hranpaa minister atana lakluh leh kher a ngai dawn lo a ni.