Vawiin aṭangin Covid precautionary dose pe ṭan dawn

India ramah vawiin aṭangin Covid booster dose, precautionary dose tia sawi chu healthcare leh frontline worker bakah, kum 60 chin natna benvawn neite hnenah pek chhuah ṭan a ni dawn.

Precaution dose la turte tan hian Inrinni liam ta aṭang khan CoWin-ah registration tih ṭan a ni a, vaccination centre-a kalin a in register chawp theih bawk.

Covid vaccine dose hnihna lak aṭanga kar 39 hnuah precaution dose hi an la thei a ni. Precaution dose-ah hian Covid vaccine hi a hma an lo lak tawh ang, Covaxin emaw Covishield emaw pek an ni ang.

Precautionary dose pek turah hian assembly inthlan neihna tur state panga-a inthlana duty turte chu frontline worker zingah telh an ni dawn tih union health secretary Rajesh Bhushan chuan a sawi.