Eptu ṭangrual pawlah AAP tel dawn lo : Kejriwal

Delhi Chief Minister leh Aam Aadmi Party (AAP) hruaitu Arvind Kerjiwal-a chuan kum 2019 Lok Sabha inthlanpui neih tura BJP bei let tura eptu party hrang hrangten thawhho an tumnaah an party chu a tel ve dawn lo tih a sawi.

Arvind Kejriwal-a chuan eptu ṭangrual pawl siam tumnaa telte chuan ram hmasawnna turin tha an thawh lo a ni, a ti. Hei vang hian AAP chu eng ṭangrual pawlah mah a tel dawn lo niin Rohtak-a chanchin thar lakhawmtute a kawmnaah a sawi.

Kerjiwal-a chuan an party chuan Haryana Legislative Assembly inthlan leh Lok Sabha inthlanpui neih turah hian seat awm chu chuh vek an tum dawn tih a sawi bawk.

Prime Minister Narendra Modi-a kaihhruai NDA sorkar chu Delhi khawpui chhunga hmasawnna hna thawh tur hrang hrang tihkhawtlai sakah a puh. A kaihhruai sorkarin mipuite hmasawnna tur leh ṭhatna tura a hmalakna hrang hrangte chu BJP kaihhruai NDA sorkar chuan harsatna a lo siamsak zel a ni, a ti.