Eptu MP-ten Rafale deal chungchanga lungawi lohna lantir

BJP kaihhruai NDA sorkarin France hnen aṭanga Rafale fighter jet leina tura inremna a siam danah thil dik tawk lo a awm nia sawiin, nimin khan eptu MP-te chuan Parliament Complex-a Mahatma Gandhi lim hmaah lungawi lohna an lantir.

Eptu MP lungawi lote zingah hian UPA chairperson leh Congress president hlui Sonia Gandhi pawh a tel. MP-te hian Rafale deal siam chungchang chhui chiangtu tur joint parliamentary committee (JPC) din an phutna thuziakte an keng.

Congress member-te chuan Ningani khan Lok Sabha inkhawmah Rafale deal chungchanga thu dik tak puang tura sorkar phutin, JPC din an phut thute hi an lo sawichhuak tawh bawk.