SC-in Kanwariyas chunga khauh taka che turin ti

Supreme Court chuan nimin khan law enforcement agency-te hnenah vantlang thil suasam ching leh, mahni thua dan lekkawh ṭhin Kanwariyas-te chungah khauh taka che turin a hriattir.

He thupek hi Justice DY Chandrachud kaihhruai Supreme Court bench chuan a tichhuak a ni.

Attorney General KK Venugopal-an tunhnaiah Kanwariyas pawl hrang hrang, mahni thua dan lo lekkawh ṭhinten tharum thawhna leh pawikhawihna an thlen fo chungchang a sawichhuah hnuah court chuan he thupek hi a tichhuak a ni. 

AG chuan heng mite an duh dan anga chein, chhan hote avangin vantlang thilte an suasam fo ṭhin niin a sawi. Chhan hote vanga hetiang pawikhawihna an thlen ṭhin hian mipui nawlpuite dinhmun hlauhawmah a dah thei a ni, a ti.