UN-a India palai atan Indra Mani Pandey ruat

 Ministry of External Affairs (MEA)-a additional secretary ni lai Indra Mani Pandey chu Geneva-a United Nations-a Permanent Representative (palai) atana ruat a ni a, Geneva-a international organisation inhmuhkhawmna hrang hrang 25-a India aiawhin palai hna a thawk ang.   

Pandey hi kum 1990 batch Indian Foreign Service (IFS) officer a ni a, UN-a India aiawh tura palai ṭhin Rajiv K Chander chu a thlak dawn a ni. Kum 30 dawn chu ram palai hna a thawk tawh a; Damascus, Cairo, Islamabad, Kabul, Muscat leh Geneva-ahte a lo thawk tawh a ni. May thlaa World Health Assembly neih zawh takah khan member 34 awmna World Health Organisation (WHO)-a Executive Board-a chairman ni turin union health minister Dr Harsh Vardhan chu ruat a lo ni tawh bawk.