Goa minister leh BJP MLA Michael Lobo a bang

Assembly neihna tur, Goa-a BJP MLA leh minister ni lai, Michael Lobo chuan nimin khan chief minister office leh Assembly Speaker hnenah banna a thehlut.

State waste management department changtu, Lobo chuan minister leh MLA a nihna aṭanga a ban bakah, BJP pawh a chhuahsan nghal tih a sawi. Party dang a zawm tur chungchangah inbiakna an la nei mek tih a sawi bawk.

Lobo chuan Goa-a BJP sorkar rorel danah mipuite an lungawi tawh lo hle tih a sawi a, mi tam takin BJP chu mipuite party a ni tawh loh tih an sawi fo a ni, a ti.

Election Commission of India-in Inrinni liam taa state pangaa assembly inthlan neih hun tur a puan zingah Goa hi a tel. February 14 hian seat 40 awmna, Goa assembly inthlan hi neih a ni ang.