PM security felhlel chungchang chhui turin SC-in independent committee din remti

Supreme Court chuan nimin khan kar liamtaa Ferozepur, Punjab-a prime minister Narendra Modi security felhlel chungchang chhui turin independent committee din a remti.

He committee hi Supreme Court judge hluiin a ho dawn a, member-ah DGP Chandigarh, IG National Invetigation Agency, Registrar General of Punjab and Haryana High Court, leh ADGP (security) Punjab-te dah tel rawt a ni bawk.

January 5 khan Ferozepur-a flyover-ah loneitu nawrh huaihawtten PM convoy hi minute 20 vel an lo dang a, hei vang hian PM hian a hun hman tur pawh hmang loin a let leh a ni.

He thil thleng chungchang hi cenral team pawhin chhuiin Ferozepur pawh hi an tlawh tawh a, Punjab sorkar pawhin report a thehlut tawh a, FIR ziahluh niin a chhui chiang turin member pahnih pawmna panel pawh din a nih thu a sawi.

PM convoy dan a nih chungchangah BJP lam chuan Punjab chief minister, Charanjit Singh Channi kaihhruai Congress sorkar chu an bei nasa hle. Union minister Smriti Irani chuan Congress chu PM thah tuma phiarruah a puh hial. Mahse Congress party chuan chhang letin, PM zin kawng hi hun chawpchilh taka tihdanglam thut a ni tih a sawi a, BJP chuan PM rally neihna tura mi pungkhawm an tlem avangin an mualpho tur thupna atan security felhlel chungchang hi hulhlang taka rawn sawichhuakah an puh let ve thung a ni.