Highway project-ah Chinese company tel remti dawn lo : Gadkari

Union minister Nitin Gadkari chuan highway project chu Chinese company-te thawh an remti dawn lo tih sawiin, hei hian hna inthawhṭawm thleng pawh a huam dawn a ni, a ti. 

Gadkari chuan Micro, Small and Medium Enterprises (MSMEs) sector-ah pawh Chinese investor-te pawm an ni dawn lo tih a sawi bawk. Ladakh-a India leh China sipai intihbuaina avanga India sipai 20 an thih phah avang khan India tan China hrek hi a tihmakmawh a ni, tiin Gadkari chuan a sawi. He thil thleng vang hian  sorkar laipui chuan China siam mobile app 59 a lo khap tawh bawk a ni.

Road Transport, Highways leh MSME minister Gadkari chuan project lian thama awlsam zawka India company tam zawkte an thawh ve theihna turin dan hman lai chu ennawn leh inhriatthiamna hman a nih dawn thu a sawi.