UP-in plastic leh thermocol item a khap

Uttar Pradesh sorkar chuan nimin khan state pumah plastic leh thermocol item siam, zawrh leh hman khapna thupek a tichhuak.

Nimina khapna thupek hian disposable cup, plate, spoon, fork leh glass te a huam a ni. Kumin July 15 khan Chief Minister Yogi Adityanath chuan polythene bag, micron 50 hnuailam khapna thupek a lo tichhuak tawh bawk. October 2 hian non-bio-degradable polythene khap burna thupek tihchhuah a tum bawk a ni. Principal Secretary (Urban Development) Manoj Kumar Singh chuan khapna thupek tihchhuah hi khauh taka kengkawh turin municipal corporation, district official leh a kaihhnawih department-te chu hriattir an nih thu a sawi. He khapna thupek zawm lote chu Rs 1,000 aṭanga Rs 25,000 thleng chawi tir theih an ni ang.