Congress-in Goa-a TMC thawhpui dan ngaihtuah tum

Congress party chuan Goa assembly inthlan neih turah Trinamool Congress (TMC) thawhpui dan kawng zawn a tum.

Goa-a TMC in-charge, Lok Sabha MP Mahua Moitra chuan an party chuan Goa inthlanah hian BJP hneh ngei an nih theihna turin an theih dan kawngin hma an la dawn tih a lo sawi tawh a, hei vang hian Congress pawhin thawhpui dan ngaihtuah a tum a ni.

TMC hian Goa inthlanah hian Maharashtrawadi Gomantak Party (MGP) chu thawhpui turin inremna an siampui tawh tih a sawi a, mahse party dang pakhat an la thawhpui theih thu sawiin, Congress emaw AAP emaw chuan BJP paihthlak chu an duh tak tak a nih chuan an la thawhpui tel theih thu a sawi.

Congress president hlui, Rahul Gandhi chuan Goa-a an party hruaitute chu TMC thawhpui theih dan tur hi a sawipui dawn niin party hruaitu pakhat chuan a sawi.

Rahul Gandhi hi ram pawna a zin chhuak a rawn haw hnuah, Thawhṭanni khan Goa assembly inthlan turah hmalak dan hrang hrangte ngaihtuah meeting eng emaw zat a nei nghal a ni. Goa-ah hian Congress hi Goa Forward Party nen an thawkdun sa tawh a ni.