IIT pali-ah Director thar ruat

Sorkar laipui chuan Thawhṭanni khan Indian Institute of Technology (IIT) pali - Delhi, Madras, Indore leh Mandi-a director thar turte a ruat.

IIT Bombay-a mi, prof Rangana Banerjee chu IIT Delhi director thar atan dah a ni a, IIT Madras-a prof V Kamakoti chu director-ah hlankai a ni bawk. IIT Mandi director-ah Prof Laxmidhar Behera leh IIT Indore director tharah Prof Suhas Joshi dah a ni.

IIT Madras hi National Institute Ranking Framework (NIRF) ranking 2021-ah pakhatna niin, IIT Delhi hi pahnihna a ni a, IIT Indore hi 10-na leh, IIT Mandi hi 31-na an ni.