PM security felhlel chungchang chhui tur committee ruat

Supreme Court chuan nimin khan January 5-a prime minister Narendra Modi security felhlel chungchang chhui tur, member panga awmna inquiry committe a ruat.

Chief Justice of India kaihhruai bench chuan committee hi Supreme Court judge hlui, justice Indu Malhotra-i'n a ho dawn a, member atan hian Punjab and Haryana Court-a registrar general, Natonal Investigation Agency-a direcor general emaw a aiawh tura a ruat Inspector General rank aia hniam lo leh, Punjab police-a ADGP(Security) te an tel dawn bawk tih a sawi.

Committee hian PM convoy dan a nih chungchangah mawhphurhtute a zawng chhuak dawn a, hei bakah hian PM leh mi pawimawh dangte venhimna kalpuina kawnga thil ṭul leh pawimawh nia hriatte pawh a ngaihtuah tel dawn a ni.