State pali aṭangin CRFP sipai 7000 ko kir

Sorkar laipui chuan state pali–West Bengal, Bihar, Uttar Pradesh leh Jharkand-a Central Reserve Police Force (CRPF) sipai 7,000 chuangte chu a ko kir a, heng sipaite hi Chhatisgarh-a Bastar biala Naxal hel hluarna, Bastar-ah beihpui thlak turin tirh leh an ni dawn nia sawi a ni.

State pali aṭanga sipai ko kirte hi Naxal hel laka beihpui thlak tura tirhte an ni. Mahse home ministry chuan paramilitary lamin Chhattisgarh-a beihpui thlaknaah sipai tam zawk a mamawh tih a sawi avangin he thupek hi a tichhuak a ni.

CRPF sipai lakchhuah turte hi West Bengal aṭangin battalion thum, Bihar aṭangin battalion hnih leh Uttar Pradesh leh Jharkhand aṭangin battalion khat ve ve an ni.

Ramchhunga Central Armed Police Force (CAPF) lian ber, CRPF hian sipai nuai thum chuang a nei a, heng zinga battalion 30 chu Chattisgarh-ah dah mek an ni. Battalion khatah hian sipai 1,000 chuang zel an awm.