UK-in Nirav Modi a awm thu nemnghet

Punjab Nationa Bank (PNB) aṭanga dik lo taka sum tam tham tak lakchhuah a nih chungchanga mawhphurtua puh, sumdawng hausa Nirav Modi chu an ramah a awm tih United Kingdom (UK) thuneitute chuan an sawichiang ta. UK-in Modi a awm thu an nemnghet hnu hian Central Bureau of Investigation (CBI) chuan India rama thawn turin a ngen zui nghal a ni.

CBI chaun ngenan hi proper channel kaltlangin an thawn. Home Ministry hnenah thehlutin, anni hian External Affairs Ministry kaltlangin UK hnenah a thawn ve leh dawn a ni. CBI hian UK thuneitute hnenah Modi man turin an ngen bawk.

PNB-a cheng vaibelchhe 13,400 tichingpen chungchangah Modi-a lakah hian Interpol chuan Red Corner Notice a tichhuak tawh bawk.

Bank-a pawisa tihchingpen chungchang hi kum 2011-a aṭanga thleng kha ni mah se, kumin January-ah hriatchhuah a ni chauh a ni. Mahse Modi-a lakah hian thubuai ziahluh a nih hmain ram pawn lamah a tlanchhe hman a ni.