Rajiv Gandhi pianchamah a thlanah zahna hlan

Nimin August 20 kha Prime Minister hlui Rajiv Gandhi piancham vawi 74-na a ni a, New Delhi-a a thlan, Veer Bhumi-ah a chhungte leh Congress party hruaituten zahna an hlan.

Congress president Rahul Gandhi, a farnu Priyanka Gandhi Vadra leh UPA chairperson Sonia Gandhi-te chuan nimin zing khan Veer Bhumi hi an tlawh. Rahul leh Priyanka-te chuan an pa thlanah hian pangpar an dah a ni.

Congress party hruaitute leh worker-te pawhin PM hlui Gandhi thlan hi an tlawh a, an zingah hian PM hlui Manmohan Singh, party hruaitu hlun Ghulam Nabi Azad leh Ashok Gehlot-te pawh an tel.

Prime Minister Narendro Modi pawhin a twitter-ah Rajiv Gandhi hriatrengna thu ziakin, ram tana a inpekna leh a thawhnate chu hriatreng a nih thu a sawi.

Rajiv Gandhi piancham pual hian Congress party chuan a bial ṭhin, Amethi-ah programme hrang hrang an buatsaih bawk.

Gandhi hi kum 1984-1989 chhung khan India Prime Minister a ni a, PM a nih hian kum 40 mi chuah niin India PM ni thei naupang ber a ni. Kum 1991, May 21 khan Tamil Nadu-a Sriperumbudur-a thihchilh bomb hmanga tihhlum a ni.