Ruihhlo do turin hmarlam state-te thawhho tum

India hmarlam state chief minister-te chuan dan loa ruihho tawlhruk leh ruihhlo zuar ṭhin pawlte dang turin thawhho an remti a, information inhrilh tawnna turin Panchkula-ah central secretariat din an remti.

He ruahmanna hi Chandigarh-a Regional Conference on Drugs–Challenges and Strategies neihah chief minister-te hian an siam a ni. He meeting-ah hian Punjab Chief Minister Amarinder Singh, Haryana CM Manohar Lal Khattar leh Uttarakhand CM TS Rawat te an tel a, Himachal Pradesh CM Jai Ram Thakur chu video conference hmangin a tel bawk. Rajasthan, Delhi leh Chandigarh aṭangin senior officer-te an tel bawk.

Ruihhlo dona kawnga an thawhhonaah hian state tinah nodal officer dah vek an ni ang.