Data Leak vangin Aadhaar khing

Khawvela digital ID project lian ber, Aadhaar kalpuitu Unique Identification Authority of India chu data leak chungchang vangin law professor, Shmanad Basheer-an a khing.

Sorkar laipui chuan Aadhaar siamna atan hian mi vaibelchhe 1.1 chuangte biometric leh demographic detail a laksak tawh a ni. Mahse data lakkhawmte hi a putru nia sawi a nih avangin UIDAI lakah hian petition thehluh a ni.

Jutice S Ravindra Bhat kaihhruai judge pahnih awmna bench chuan UIDAI hnenah hian law professor petition thehluh chhanna pe tur hian kar ruk hun a pe a, hemi chungchang hi November 19-ah ngaihtuah a ni ang.

Sorkar laipui chuan ram mipuite hnenah chhinchhiahna, 12 digit identification code Aadhaar pekna tura data a lakkhawmte chu a him tawk niin sawi mah se, heng data-te hi a putru nia report a awm fo avangin mi tam takin an hlauhthawng a ni.

Court-a petition thehlut tu, Shamnad Basheer chuan data leak chungchang chhuichiang tur hian expert panel din turin court a ngen a, data leak-in sum lam thlenga nghawng a neih dante chhui a phut tih a sawi.