Pawngsualtu pahnih thi tura hremna pe

Madhya Pradesh-a Mandsaur-a local court chuan June 26-a hmeichhe naupang kum riat mi pawngsualtu mi pahnihte chu thi turin an chungthu a relsak.

Pawngsual thubuai chhuitu, Special Investigation Team (SIT) chuan pawngsualtu mi pahnih, Irfan alias Bhaiyu (20) leh Asif (24) te lakah hian chargesheet, phek 35-a chhah a thehlut a ni. A chargesheet thehluhah hian thuhretu mi 92-te thusawi leh document 100 zet an tel a, thuhretu zingah hian doctor-te pawh an tel.

Pawngsualtu pahnihte hian hmeichhe naupang hi ruboa an pawngsual hnuah, thah tumin a nghawngah chemin an zai sak bawk nia sawi a ni. Hmeichhe naupang hi an school pawna a awm laiin an rubo a ni.