Sakhaw lehkhabu tibawrhbangte damchhung tantir theih dawn

Punjab Cabinet chuan Thawhlehni khan Indian Penal Code (IPC) siamṭhain, sakhaw hrang hrang lehkhabu tibawrhbangte chu damchhung lung-in tan tir theih an ni dawn.

Punjab Chief Minister Captain Amarinder Singh chuan cabinet thurel chungchang hi a twitter-ah tarlangin, IPS an siamṭhatna bill chu Vidhan Sabha-ah pharh a ni dawn tih a sawi. State chhunga sakhaw hrang hrang betute lungrual leh inngeih tlang taka an awm theihna tura theihtawp a chhuah zel tur thu a sawi.

July 25 khan Punjab Chief Minister hian sakhaw lehkhabu tihbawrhban chungchanga Justice (retired) Ranjit Singh Commission Report chu Vidhan Sabha session hmasa berah pharh a nih tur thu a lo sawi tawh a, pawisawitute chungchangah chuan dan ang taka action lak zel a nih dawn thu a sawi a ni.

Punjab cabinet hian Schedule Caste (SC) employee-te promotion pekna tur reservation siamsak a nih theihna tur bill pawh an pawm bawk.